ນີເຊຣີ ໄດ້ຮັບເຄື່ອງບິນຂັບໄລ່ ແລະ ເຝິກແອບ ລຸ້ນໃໝ່
ເຄື່ອງບິນເຝິກແອບລຸ້ນ M-346
ບໍລິສັດ leonardo ຂອງອີຕາລີ ໄດ້ເປີດເຜີຍເປັນຄັ້ງທຳອິດວ່າ: ຕົນໄດ້ຮັບສັນຍາຈັດຊື້, ສົ່ງມອບເຄື່ອງບິນຂັບໄລ່ ແລະ ເຄື່ອງ
ບິນເຝິກແອບລຸ້ນ M-346 ຂອງຕົນໃຫ້ແກ່ນີເຊຣີ.
ການຢືນຢັນຂອງບໍລິສັດດັ່ງກ່າວຂອງອີຕາລີ ໄດ້ເກີດຂຶ້ນພາຍຫຼັງທີ່ມີການເຜີຍແພ່ຜ່ານທາງອອນລາຍຂອງທາງການຂອງກອງ
ທັບອາກາດນີເຊຣີ, ເຊິ່ງກອງທັບອາກາດນີເຊຣີ ໄດ້ກ່າວວ່າ: ຈະໄດ້ຮັບເຄື່ອງບິນຂັບໄລ່ ແລະ ເຝິກແອບ ລຸ້ນ M-346 ຈຳນວນ 24
ລຳ, ໂດຍເຄື່ອງບິນຊຸດທຳອິດຈຳນວນ 6 ລຳ ເຊິ່ງຄາດວ່າຈະມາຮອດນີເຊຣີ ໃນປີ 2024 ແລະ ເຄື່ອງບິນສ່ວນທີ່ເຫຼືອຈະຖືກສົ່ງ
ມອບຕາມມາຊຸດລະ 6 ລຳ ໃນແຕ່ລະໄລຍະ.
ພາຍຫຼັງທີ່ມີການເຜີຍແພ່ອອກໄປທາງອອນລາຍ ເຮັດໃຫ້ການປະຊຸມລະຫວ່າງ ກອງບັນຊາການກອງທັບອາກາດນີເຊຣີ ແລະ
ບໍລິສັດ Leonardo ຂອງອີຕາລີ ໄດ້ຢືນຢັນຮ່ວມກັນກ່ຽວກັບ ຄວາມມຸ່ງໝັ້ນທີ່ຈະສົ່ງມອບເຄື່ອງບິນຂັບໄລ່ ລຸ້ນ M-346 ໃຫ້ທັນ
ຕາມເວລາ ແລະ ຮັບປະກັນໃນໄລຍະເລີ່ມຕົ້ນທຳອິດກ່ຽວກັບການເຝິກແອບນັກບິນພາຍໃນປີ 2024 ນີ້. ການປະກາດຢ່າງເປັນ
ທາງການກ່ຽວກັບຂໍ້ຕົກລົງຂອງນີເຊຣີ ໂດຍທັງກອງທັບອາກາດນີເຊຣີ ແລະ ບໍລິສັດ Leonardo ຂອງອີຕາລີ, ປັດຈຸບັນໄດ້ອ້າງ
ອີງສະເພາະລຸ້ນພື້ນຖານເຄື່ອງບິນເຝິກ ແອບອາຍພົ່ນຂັ້ນກ້າວໜ້າລຸ້ນ M-346 ເທົ່ານັ້ນ, ເຊິ່ງເຄື່ອງບິນລຸ້ນດັ່ງກ່າວນັ້ນມາພ້ອມຂີດ
ຄວາມສາມາດໃນການຮົບ.
ກອງທັບອາກາດອີຕາລີ ນຳເຄື່ອງບິນຕະກຸນ M-346 ເຊິ່ງເປັນລຸ້ນ T-346A ສົ່ງອອກໃຫ້ຫຼາຍປະເທດເຊັ່ນ: ສິງກະ ໂປ, ອິດ
ສະຣາແອນ, ໂປໂລຍ, ອາແຊກໄບຊານ, ເກຣັກ, ກາຕາ ແລະ ຕວກເມນິດສະຖານ.
ແຫຼ່ງທີ່ມາ: ໜັງສືພິມກອງທັບ
ວັນທີ 10/05/2024